Iti baram,
nabaawen
Iti raniagmo,
inut-inot a nausawen
Iti bagim,
kinagat ti lidem
Iti biagmo,
pinuyopuyan ti salemsem
O Trining,
apayen?
Nagsapan ti inmo inpupusayen?
Nag-ulpit mon ta
di ka man la nagpakada
Kasano dagiti
arapaapmo a kunam di marebba?
Inyebkas mo idi
nga agluganka iti eroplano
Ta idiay
ballasiw taaw pangsukisokam baro a trabaho.
Tapno alisto
makapatakder ti balay da tatang ken nanang mo
Ken makagatang
tay nagmaris rosas a kotse usaren pagballogyo.
Paunay kan balasangko,
nagurayka pay kuma
Adu a padas
ammok saanmo pay narikna.
Dinamag mo idi a
no kaanon to ngata nga adda mangayat kenka?
Sungbat ko, “Kasano
met no walang forever kanayon mo ibaga.”
Wen aya, apay tunggpal biag mo ,
uray maysa nga Adan awan nakauna
Ket aglaplapunosanmo
nga ayat ken ragsak nakasagana.
Ita nga awankan,
nakadaldalus iti aglawlaw
Adu a badom ken
sapatos, awan mangiwarang
Awan tay kasla
mait nga agkankanta, agsalsala ti zumba
Para pakan ti
aso, innaw, aywan ti ubing ken tienda.
Naasi ka, natulong
ken nasayaaat nga anak ken mestra
Ngem apay di ka
mamati no ibaga mi kenka deta?
Idi lawas na,
aggargarakgak ka a nangyistorya
A no matayka ket
baka awan man lang aglua.
Saom ket saanmon to
matan-awanen dagti kakabsatmo a mas dungdungwenda
Ken saankanto
aglidayen gapu ti pinangpadpadakes ti sabali kenka.
Dispenseram ta
di mi manlang kenka naipakita ti karirikna
Ta namati kami
gamin a kayam amin , napnuan kat regta.
Ala wen balasangko,
palubusan daka ngarud
Ta ammumi
nararagsakka dita sidong ni Apo Dios
Imulam ta pusom
a sika ket balitok
Awan sabali a
tao a makabiddot.
Namnamaem ,maysa
nga aldaw, agkakadwatayon to manen.
Ket biag nga
agnanayon, intayo amin gun-oden.
No comments:
Post a Comment